Urriaren 24an, larunbata, arratsaldeko 19:00etan bilduko dira Latxartegi Aretoan Goierriko odol emaileak, urteroko diploma eta oroigarri banaketa egiteko. Aurtengoan 75 odol emaile izango dira sarituak, goierriarrak guztiak eta ekitaldian honako herri hauetako odol emaile taldeak izango dira: Alegia, Amezketa, Ataun, Beasain, Idiazabal, Ikaztegieta, Itsasondo, Lazkao, Legazpi, Legorreta, Olaberria, Ordizia, Ormaiztegi, Segura, Zegama, Zaldibia, Urretxu eta Zumarraga. Ekitaldiaren ondoren afaria izango dute Aitxuri Jatetxean 21:30ean.
