Legazpiko Udalak hasi ditu dagoeneko “Uztalai” udaleku irekiak antolatzeko lanak. Jarduera hori HH-2 eta LH-4 maila bitarteko herriko haurrei eskainiko zaie uztailean.
Hori dela eta, jarduera horretan lan egingo duten begiraleak hartzeko oinarriak onartu ditu Udalak eta bertan lan egiteko eskaerak aurkezteko epea zabaldu du gaur, asteartean.
Aurten, udalekuak koordinatzeko eta zuzentzeko lanak zuzenean kontratatuko ditu Udalak eta Lorratz elkartea izango da lan horretaz arduratuko dena.
Bi modutara aurkez daitezke eskaerak:
- Udaleko egoitza elektronikoaren bidez: https://egoitza.legazpi.eus/, Uztalai udaleku irekietan begirale gisa lan egiteko eskaera orria batez.
- Eskaera-orria udaletxeko Arreta-bulegoan aurkeztuta
Izena emateko epea: apirilaren 1etik 16ra, biak barne.
