.: Legazpiko Udala :. Webgune ofiziala .: Ayuntamiento de Legazpi :.

Abenduaren 14an, larunbata, goizeko 10:00etan egingo da Kultur Etxean (marrazketa geletan egingo dira lanak), herriko lehen hezkuntzako ikasleei zuzenduriko lehiaketa hau. Arkatza Elkarteak sustaturiko ekitaldia da. 6 mailatan banatuko dira parte hartzaileak, eta maila bakoitzeko sari bat emango da. Sari banaketa, abenduaren 19an, 19:00etan, Kultur Etxeko Areto Nagusian.

OINARRIAK

1.    PARTAIDEAK

Legazpiko Lehen Hezkuntzako ikasleakparte hartu ahal izango dute. Sei maila bereziko dira, kurtso bakoitzeko bat.

2.    GAIA:

Gaia GABONAK izango da maila guztietarako.

3.    ERABIL DAITEZKEEN BALIABIDEAK

Lapitza, lapitz margoak edo arkatz ziriak erabili ahal izango dira, eta baita bestelako apaingarriak ere (kotoia, brilantina,…). Partaideek ekarri beharko dituzte lanerako tresnak.

Orriak eta azpiko euskarriak antolatzaileak banatuko dituzte lehiaketa hasi aurretik.

Debekatuta dago erregela erabiltzea.

4.    EPAIMAHAIA

Arkatza Elkarteko kideek osatuko dute.

5.    SARIAK

Kategoria bakoitzeko sari batbanatuko da. Sari banaketa abenduaren 19an, 19:00etan egingo da Kultur Etxeko Areto Nagusian. Irabazleen lanak ikusgai egongo dira gabonetan, Kultur Etxean bertan.

6.    LEKUA EGUNA ETA ORDUA

Lehiaketa abenduaren 14an izango da Kultur Etxeko marrazketa geletan. Goizeko 10:00etan hasiko da eta 13:00ak baino lehen bukatu eta entregatu beharko dituzte lanak.

7.    OHARRAK

Epaimahaiaren erabakiak apelaezinak izango dira eta oinarri hauen osagarri gisa sortu daitezkeen beste puntu guztiei buruzko erabakia antolatzaileen eskuetan geratzen da.

Parte hartzaileek derrigor onartu beharko dituzte emandako jarraibideak.