pulse aquí para ir al facebook del Ayuntamiento de Legazpi pulse aquí para ir al twitter del Ayuntamiento de Legazpi pulse aquí para ir a Youtube del Ayuntamiento de Legazpi pulse aquí para ir al flickr del Ayuntamiento de Legazpi pulse aquí para ir al instagram del Ayuntamiento de Legazpi

Udalek bost urtean behin, euskararen erabilera normalizatzeko plan estrategikoa onartzen ohi dute, Eusko Jaurlaritzak finkatutako gidalerroen arabera. Azkenekoa, VI. plangintzaldiari (2018-2022) zegokiona, 2018ko abenduaren 26an onartu zuen Legazpiko Udaleko osoko bilkurak.

Plan estrategiko hori urtebetez luzatu zen eta orain, Eusko Jaurlaritzak proposatutako metodologia berria (KEMEN) erabiliz, VII. plangintzaldiari dagokion plan estrategikoa egin du Legazpiko Udalak, 2024-2027 epealdirako.

Plan estrategikoa onartuta, urteko kudeaketa-planak egin ohi izan ditu Udalak. Hortaz, urtea aurrera badoa ere, aurtengo lehentasunak zehaztuko dira eta horien arabera diseinatu eta garatuko da urteko kudeaketa plana.

 

Helburua:

Legazpiko udalean euskara zerbitzu-hizkuntza eta lan-hizkuntza normala eta orokorra izatea eta, horrela, herritarrek udalarekiko harremanetarako aukeratutako hizkuntza ofizialean izateko duten eskubidea bermatzea. Horrezaz gain jauzi adierazgarria egin nahi da kudeaketa arloan eta horri begira hainbat neurri hartuko dira plangintzaldi honetan.

 

Erronka nagusiak:

▪ Herritarrek Udalarekin dituzten harremanetan euskaraz gehiago erabiltzea. Lehenengo hitza euskaraz egiteaz gain, udal langileek eta udal zerbitzuak eskaintzen dituzten langileek, oro har, jarrera proaktiboa izatea herritarrekin harremanak euskaraz izateko, beti ere herritarren hizkuntza-eskubideak bermatuz.

▪ Lan-harremanak euskaraz izatea, euskaraz egin daitekeena euskaraz egitea, eta elebitasuna gainditzea. 

▪ Erabilera-plana kudeatzeko sistema osatzea eta egonkortzea. Langileak eta arduradun politikoak planeko helburuetan inplikatzea, eredugarriak izatea. 

 

LEGAZPIKO UDALEAN EUSKARAREN ERABILERA NORMALIZATZEKO PLAN ESTRATEGIKOA 2024-2027

Urte asko pasa dira Legazpik lehenengo Irisgarritasun Plana idatzi zuenetik. Denbora hori igarota, gizartearen beharrizanak asko aldatu dira eta sentsibilizazio-maila handitu. Horrenbestez, plana berrikusi eta eguneratuko du udalak. 
Irisgarritasuna sustatzea legazpiar guztiek ingurune fisikoetara, produktuetara eta erabilera publikoko zerbitzuetara iristeko duten eskubidea gauzatzea besterik ez da, modu librean eta ahalik eta era autonomoenean. Horrek esan nahi du oztopo horiek ezabatzeko dauden eragozpenak eta bete beharrezko ekintzak identifikatu behar direla, hobekuntzak gauzatu ahal izateko.
Udal teknikarien nahitaezko inplikazioaz harago, herritarren eta eragileen parte hartzearekin osatu nahi da plan hori eta horretarako Udalak parte-hartze prozesu bat diseinatu du. 
 
FASEAK:
1. AURKEZPENA. 2024/7/09. Bilera irekia. Ikus dokumentua
2. DIAGNOSTIKOAREN AURKEZPENA. Data zehazteke.
3. EMAITZEN AURKEZPENA. Data zehazteke.
Irisgarritasun Unibertsaleko Plan Integrala idazteko udal honek Eusko Jaurlaritzako Lurralde Plangintza, Etxebizitza eta Garraio Sailaren 31.025 euroko dirulaguntza lortu du.
 
Planari ekarpenen bat egin nahi badiozu, bete azpiko formularioa:
Derrigorrezko eremua

Derrigorrezko eremua

Derrigorrezko eremua

0

Entrada no válida

Captcha Sartutako kodea ez da zuzena

Lege Oharra

Indarrean dagoen legeriaren arabera1, Legazpiko Udala da izaera pertsonaleko zure datuen tratamenduaren arduradun. Udalak datu horiek bere informazio-sistemetan erabiliko ditu zure kontsultak, iradokizunak eta erreklamazioak erantzuteko; modu berean, Udalak bere gaineko informazioa bidaltzeko erabili ahal izango ditu datu horiek, horretarako harremanetarako edozein bide erabiliz, baita e-posta ere.

Zuk eskubidea duzu datu horietan sartzeko, datuak zuzentzeko, ezabatzeko eta haien tratamendua mugatzeko; halaber, Udalak datu horiek erabiltzearen eta hirugarren batzuei ematearen aurka egin dezakezu. Horretarako eskaria aurkeztu beharko duzu udaletxean, Nortasun Agiriaren fotokopiarekin batera, honako helbidean: Euskal Herria plaza 1 – 20230 Legazpi.


1Datuak babesteko 2016ko apirilaren 27ko 2016/679 (EB) Erregelamendu Orokorra, datu pertsonalen tratamendua eta datu horien zirkulazio askea direla-eta pertsona fisikoak babesteari buruzkoa.

 
 
 
Diru-laguntzei  buruzko  azaroaren  17ko  38/2003  Lege  Orokorraren  Zioen  Azalpenaren arabera,  sektore  publikoaren  finantza-jardueraren  zati  handi  bat  diru-laguntzen  bitartez bideratzen da. Finantza-jarduera horren helburua da pertsona eta erakunde publiko nahiz pribatuen eskaera sozial eta ekonomikoei erantzutea finantza-laguntza emanez. 
 
Ekonomiaren  ikuspegitik,  diru-laguntzak  gastu  publikoaren  modalitate  garrantzitsua  dira, eta, beraz, aurrekontu-politikaren jarraibideetara egokitu behar dira. Politika hori, gaur egun, aurrekontu-egonkortasunaren,  finantza-iraunkortasunaren  eta  hazkunde  ekono-mikoaren irizpideek bideratzen dute. 
 
Ikuspegi horretatik, Diru-laguntzei buruzko Lege Orokorra beste urrats bat da gure sistema ekonomikoa arrazionalizatzeko prozesuan, eta helburu horrekin antolatu diren neurri eta erreformetan txertatzen da. 
 
Gardentasuna da lege hori arautzen duten printzipioetako bat, eta printzipio bera jasotzen da  aurrekontu-egonkortasunari  buruzko  araudian  ere.  Xede  horrekin,  administrazio publikoek publiko egin beharko dituzte ematen dituzten diru-laguntzak. Aldi berean, legeak ezartzen du emandako diru-laguntza guztiei buruzko informazio garrantzitsua jasoko duen nazio-mailako datu-base bat osatu behar dela. 
 
Gardentasun  handiago  horrek  zuzenean  dakar  eraginkortasun-  eta  efizientzia-mailak handitzea diru-laguntzen gastu publikoaren kudeaketan. 
 
Eraginkortasuna hobetzeko ildo horretan, 38/2003 Legeak administrazio publiko bakoitzean diru-laguntzen plan estrategiko bat egin behar dela ezartzen du, kudeaketa-elementu eta hobekuntza horretarako tresna izango dena. Plan horrek lortu nahi diren helburuak eta lortu nahi diren ondorioak aurreikusitako kostuekin eta horien finantzaketarekin lotuko ditu, diru-laguntzen  bidez  bete  nahi  diren  premia  publikoak  eskuragarri  dauden  baliabideekin egokitzeko; eta hori guztia diru-laguntza eman aurretik. 
 
Gainera, legeak jarraipena egiteko sistema bat planteatzen du helburuak kontrolatuz eta ebaluatuz. Sistema horrek aukera eman behar du nahi den helburuen lorpen-mailara iristen ez  diren  edo  inbertitutako  baliabideen  mailarako  desegokiak  diren  diru-laguntza  lerroak aldatzeko  edo  eraginkorragoak  diren  beste  batzuekin  ordezteko,  edo,  hala  badagokio, kentzeko. 
 
Administrazioaren ikuspegitik, diru-laguntzak interes orokorrekotzat jotzen diren jokabide jakin batzuk sustatzeko teknika bat dira, baita administrazio publikoaren eta partikularren arteko lankidetza-prozedura bat ere, interes publikoko jarduerak kudeatzeko. 
 
Era askotako  diru-laguntzak daude, prozedura konplexuen bidez ematen direnak, eta, beraz, jarraipen eta kontrol eraginkorra behar dute. 
 
Horrela, Diru-laguntzen Plan Estrategikoa beharrezko osagarria da diru-laguntzak emateko  modua antolatzeko, gardentasunaren eta aurrekontu-orekaren printzipioak errespetatuz. 
 

DIRU-LAGUNTZEN PLAN ESTRATEGIKOA 2024-2027

Plan Estrategiko honetan aurreikusitako jardueren bidez, Legazpiko Udalaren gizarte-zerbitzuei bultzada berri bat eman nahi zaie, Legazpiko herritarren gizarteratze- eta bizitza autonomo-premiei hobeto erantzuteko, eta aurrera egin nahi da udaleko gizarte-zerbitzu unibertsal, kalitatezko, berritzaile eta hurbileko bat sendotzen, behar duten udalerriko pertsona guztiei, non eta noiz behar dituzten, gizarteratzeko laguntzak bermatzeko gai izango dena, beste administrazio publiko batzuekin lankidetzan arituz.

 

Ikusi 2018-2022 Plan Estrategikoa

2023-2026 epealdirako enplegu publikoa antolatzeko plana

 

LEGAZPIKO UDALAREN 2023-2026 EPEALDIRAKO ENPLEGU PUBLIKOA ANTOLATZEKO PLANA (2023/11/27)

GAO HASIERAKO ONARPENA (2023/11/22)

Legazpiko Merkataritza Berrindartzeko Plan Bereziak (PERCO)

merkataritza, zerbitzuak eta ostalaritza sektoreak berrindartu nahi ditu.

 

Legazpiarron kontsumoa aztertu du plan honek.

Bestalde denda, taberna eta zerbitzuen eskaintza ere aztertu du.

Horrez gain sektore hauek berrindartzeko ekintzak proposatu ditu.

 

 

PERCO hemen kontsultatu

  1. Kode Etikoak
  2. Zuzentasun sistema
  3. Iragarki taula digitala
  4. Organigrama eta datuak babesteko ordezkaria

Azpikategoriak