.: Legazpiko Udala :. Webgune ofiziala .: Ayuntamiento de Legazpi :.

G.B. Pergolesiren Il Prigioner Superbo eta La serva padrona operak DVDan. 1. zatiaren emanaldia.

IL PRIGIONER SUPERBO - FITXA TEKNIKOA

Il prigioner superbo (euskaraz, Gatibu harroputza) hiru ekitaldiko opera serioa da. Musika Giovanni Battista Pergolesirena eta libretoa Gennaro Antonio Federico italiarrarena, Gaspariniren La fede tradita e vendicata operarako Francesco Silvanik egin zuen libretoan oinarrituta. 1732ko urte bukaeran Napoli hirian izan zen lurrikararen ondoren, 1733ko inauteriak bertan behera geratu ziren eta Pergolesi musikariari Elisabetta Cristina Habsburgo enperatrizaren urtebetetzerako opera serioa egin zezala eskatu zioten. Opera hori 1733ko irailaren 5ean eskaini zen lehenengo aldiz Napoli hiriko San Bartolomeo antzokian eta urrian ere eskaini zen. Operan, Metalce godoen erregearen eta Viridate Danimarkako printzearen arteko lehia kontatzen da, Rosmene (Norvegiako printzesa zeinaren aita Metalceren gatibu den) printzesaren eskua lortzeko. Obra hori laster izan zen ahaztua, baina ez atsedenean antzeztu zen intermezzo komikoa, La serva padrona, bera bakarrik eskaini zenean izugarrizko arrakasta lortu zuena.

IRAUPENA: 125 min.

PERTSONAIAK

Accademia Barocca de I Virtuosi Italiani

Zuz.: Corrado Rovaris

G. B. Pergolesi Antzokian (Jesi - Italia) grabatua, 2009/2011

LA SERVA PADRONA - FITXA TEKNIKOA

La serva padrona (euskaraz, Neskame ugazabandrea) opera komikoa da. Musika Giovanni Battista Pergolesirena da eta libretoa Gennaro Antonio Federicorena, Jacopo Angello Nelliren antzerki-lan batean oinarrituta. Operak 45 minutuko iraupena du eta, hasiera batean, Il prigioner superbo opera serioaren atsedenean eskaini zen eta biak batera estreinatu ziren 1733ko irailaren 5ean. Il prigioner superbo operak ez zuen arrakastarik lortu baina La serva padrona operak bai eta, beraz, gero bera bakarrik eskaintzen hasi zen eta hori da Pergolesiren lanetatik eskaintzen den bakarra. Pergolesi “Italiako Mozart” gisa da ezaguna, gazte hasi zelako eta bere musika erakargarria, xumea, bizkorra eta ederra delako. La serva padrona opera motzarekin opera nagusiarekin baino arrakasta handiagoa lortu zuen. Bere ospea Europa osora zabaldu zen eta ospea izaten jarraitu zuen hurrengo urteetan ere. Atsedenerako prestatutako operaren garrantzia ezin da ukatu. Genero komikoaren (opera bufa) lehenengo obra maisutzat hartzen da. La serva padrona obra paradigmatikoa da eta musika barrokoari musika klasikoari bidea eman zionean kokatzen da. Garrantzi handia lortu zuen eta, denborarekin, bera bakarrik eskaintzen hasi zen.

Atsedenaldiko intermezzoak obra liriko txikiak ziren, ikuslea entretenitzeko egindakoak eta horregatik ziren komikoak; opera serioen atsedenaldietan eskaintzen ziren. Opera serioekin alderatuz gero, kamerako operak motzagoak dira eta forma musikalak elkar lotuta daude.

IRAUPENA: 53 min.

PERTSONAIAK

Accademia Barocca de I Virtuosi Italiani

Zuz.: Corrado Rovaris

G. B. Pergolesi Antzokian (Jesi - Italia) grabatua, 2009/2011