.: Legazpiko Udala :. Webgune ofiziala .: Ayuntamiento de Legazpi :.

Eslovakian jaioa, bost urterekin hasi zen musika ikasten. Košice Kontserbatorioan pianoa eta

organoa ikasi ondoren, Vienako Musika eta Arte Dramatikoko Unibertsitatean sartu zen. Bertan, organoa

ikasi zuen Hans Haselböck eta Michael Radulescu maisuekin, eta Magistra Artium gradua lortu zuen,

Ohorezko Aipamenarekin eta Bikaintasun Sariarekin. Perfekzionamendu Zikloan sartu zen Parisko Goi

Mailako Musika Kontserbatorioan, eta Olivier Latry eta Michel Bouvard izan zituen irakasle. Meyer Fundazioaren

eta Société Genérale erakundearen Musika Mezenasgoaren bekak jaso zituen. Era berean, Nadia

et Lili Boulanger Nazioarteko Fundazioak beka bat eman zion Lyongo Goi Mailako Kontserbatorioan

inprobisazio-ikasketak egiteko, Loic Mallié irakaslearen zuzendaritzapean.

Arrakastaz parte hartu du hainbat lehiaketatan: Ohorezko Diploma Brujaseko Jaialdian (1997),

Žilina Jaialdiko Ikusleen Saria (1998), Sari Berezia UNESCO Lehiaketan (Lisboa, 2000). Frantziako Orkestra

Nazionalaren organista izan da 2001-2002an eta Concert-Hall Sapporoko egoitzako organista

2002-2003an. Kontzertista gisa jarduera garrantzitsua garatzen du nazioartean, besteak beste, Parisko

Notre-Dame, Saint-Sulpice eta La Madeleine oholtzetan, Dresdeko Hofkirche eta Frauenkirche taulatuetan,

Haarlemeko Sankt Bavon, Tokioko Opera City Hall eta Suntory Hall antzokoetan, Vienako Musikverein-en.

Hainbat bakarlarirekin lan egin du, hala nola Walter Auer, Raphael Oleg, Nora Cismondi, Guy

Touvron, Carlos Mena, Pere Ros, Juan Manuel Gómez, eta Aeterna Bratislava eta Auers Flutery musika-taldeekin.

Grabazioak egin ditu Parisko eta Sapporo Concert-Halleko Goi Mailako Kontserbatorioko

organoetan, bai eta irrati eta telebistarako ere: France Musique, ORF Viena, Suisse Romande irratia, NHK

Tokio, Devin Bratislava irratia, RTBF Brusela, ARTE kanala. Nazioarteko hainbat lehiaketatako epaimahaikide

da, hala nola Chartres, Petr Eben Competition (Txekiar Errepublika), Dudelange (Luxenburgo), St.

Maurice (Suitza), Grand Prix Jean-Louis Florentz, Groningen eta Haarlem (Herbehereak, 2024), eta

zuzendari artistikoa da Orava Organ Prix (Eslovakia) nazioarteko lehiaketan. 2006tik Inprobisazioa

irakasten du Donostiako "Musikene" Euskal Herriko Goi Mailako Musika Eskolan. Irakasle izan da Madrilgo

Katarina Gurska Goi Mailako Ikastetxean eta gonbidatutako organo irakasle Kopenhageko Royal Danish

Akademian.