Dagoeneko eskuragarri dago "Biblioporrak 2024" irakurketa-gida, hau Legazpiko liburutegiak Antzuola, Aretxabaleta, Aramaio, Arrasate, Bergara, Eskoriatza eta Oñatiko liburutegiekin elkarlanean egin delarik.
Irakurketa-gida honek adin desberdinetarako egokiak izan daitezkeen liburuak, diskoak eta filmak gomendatzen ditu. Euskarazko zein gaztelaniazko liburuak dira, adinaren arabera sailkatuta: 0 urtetik aurrerako haurrak, eta 5 urtetik aurrerakoak, 8 urtetik aurrerakoak, gazteak eta helduak. Gainera, musikako 3 disko eta 7 film gomendatzen ditu.
"Biblioporrak 2024" irakurketa-gida liburutegian bertan eskura daiteke, eta ikastetxeetan ere aleak banatu dira.