Haurrentzako Jolasak Sorgintxulo taldearekin, datorren larunbatean, maiatzak 30, Euskal Herria plazan
Haur Hezkuntzako 4. eta 5. eta Lehen Hezkuntzako 1. eta 2. mailetako ikasleek Sorgintxulo Aisialdiko taldeak gidatuko dituen Jolasetan parte hartzeko aukera izango dute, datorren larunbatean, maiatzak 30, 17:00etan Euskal Herria plazan. Eguraldi txarrarekin, Azokan izango dira.
Haur eta gaztetxoen aisialdian euskararen erabilera bultzatzeko programaren barruan Legazpiko Udaleko Haur, Nerabe eta Gazteen zerbitzuak antolatutako ekintza da. Dinamika ezberdinak egingo dira haurren adinari egokituta, euskararen erabilera sustatzea xede duten jolasak barne, talde-giroa eta parte-hartzea bultzatuz.
Jarduera gutxi gorabehera 19:00ak aldera amaituko da. Izen-ematea online egingo da eta gurasoek bete behar dute, seme-alabek parte hartzeko baimena eman behar dutelako.
Epea: ostegunera arte, maiatzak 28, 14:00ak arte.
IZEN EMATEA
Ekintza honen inguruan azken ordukoren bat gertatuko balitz, Sorgintxulo taldearekin harremanetan jar zaitezkete:
Ez galdu lagunekin euskaraz jolasteko aukera!
