#O11 Emakume eta Neska Zientzialarien Nazioarteko Eguna: Erakusleihoak eta ginkana. Parte hartu eta 100€-ko bonua irabazi

Otsailaren 2tik 11ra bitartean herriko 28 saltokik apainduko dituzte erakusleihoak zientziaren aurrerapena bultzatu duten emakumeen biografietan inspiratuta, Legazpiko kaleak herritar guztientzat irekitako dibulgazio-ibilbide bihurtuz.

#O11Erakusleihoak onlineko ginkana publikoa jarriko dugu martxan. Saltokiz saltoki, emakume protagonisten inguruko galderei erantzunez osa dezakete herritarrek #O11Erakusleihoak ginkana, herrian barrena ibiliz zientziako emakumezko erreferenteak ezagutzeko.

Ginkanan parte hartzen duten pertsona guztien artean 100 euroko bonu bat zozketatuko da, ekimen horretan parte hartzen duten saltokietan gastatzeko.