Langabetuentzako ikastaro trinkoak doan

Legazpiko Udal Euskaltegiak ikasturteko kanpaina berriari ekin dio irailean, "Euskaraz BLAI" lelopean. Egindako ikastaro eskaintza mardularen artean, langabeentzat propio sortutako ikastaro trinko

bat da nabarmentzekoa. Hasiera‐hasieratik euskaraz ikasten hasteko helburua dutenentzat aproposa.

 

Dagoeneko 7 pertsonak eman dute izena, baina taldea osatzeko ezinbestekoa da 9 kide izatea, eta horregatik, euskara ikasteko gogoz dauden herritar langabeei deia egin diete Euskaltegitik, izena eman dezaten, aukera paregabea baitute ikastaroa musu truk egiteko.

 

Langabeentzako hasiera mailako ikastaro hau egunean hiruzpalau ordukoa izango da. Hasteko, urritik abendura bitarte eskainiko dute, baina martxa onean joanez gero, aurrera begira ere luzatzeko aukera izango da.