Txilibitariak, adi! Lehen entsegurako deialdia eta izen-ematea oraindik zabalik
Astelehen honetan, ekainak 1, herriko txilibitariek lehen topaketa egingo dute arratsaldeko 19:00etan Musika Eskolan. Taldea osatzen ari da, baina oraindik izena eman ez dutenek badute aukera entsegu honetara hurbiltzeko eta bertan apuntatzeko.
Dagoeneko taldean gaudenek adostu dute lehen harreman-jarraitze hau astelehen iluntzean izatea. Gainera, tresnarik ez izatea ez da aitzakia izango: entsegura azaltzen diren guztientzat egongo dira txilibituak eskura, beraz, gogoa besterik ez da behar.
Lehen saio honen helburua, jotzen hasteaz gain, taldearen martxa antolatzea izango da; besteak beste, hurrengo entseguko datak eta orduak bertan erabakiko baitituzte guztion artean.
Oraindik garaiz zaude!
Taldea handitu nahi dugu eta ziur gaude herrian baten bat gehiago animatuko dela. Oraindik zalantzan bazaude edo izena emateko astirik izan ez baduzu, zatoz astelehenean Musika Eskolara konpromisorik gabe, probatu, eta bertan eman ahal izango duzu izena.
Guztion artean talde polit bat osatuko dugu. Animatu eta zabaldu deialdia!
