Itzuli da piñata-tailerra Legazpira, Kulturen Arteko Egunaren aurrekari gisa
Mundutik Legazpira eta Hotz Legazpi elkarteak, Udalarekin batera, hilabeteak daramatzate datorren urriaren 17an (larunbata) ospatuko den 2026ko Kulturen Arteko Eguna antolatzen. Aurreko edizioetako arrakastaren eta herritarren harrera bikainaren ondoren, aurtengo jardunaldia indarberrituta dator, kultura gehiagoren parte-hartzearekin eta egitarau zabal batekin.
Jai-giroko aurrerapen gisa, eta iazko erantzun bikainaren ondoren, Karen Salgadok Mundutik Legazpirako kide eta Nikaraguako ordezkariak, berriro zuzenduko du piñata-tailer arrakastatsua, “Latinoamerikako kultura, Nikaraguatik” goiburupean.
Hitzordua urriaren 11n (igandea) izango da, 11:00etatik aurrera, herriko Gizarte Zentroan. Jarduera hau erabat doakoa, sormenezkoa eta ludikoa da, bereziki familian gozatzeko pentsatua. Gainera, goizean zehar egindako piñatak Kulturen Arteko Eguneko jaian zehar hautsiko dira denon artean.
Plaza kopurua mugatua denez, interesatuta dauden familiek urriaren 6ra arte eman beharko dute izena bide hauen bidez:
- Online: IZEN EMATEA
- Telefonoz: 943 73 70 30
- Aurrez aurre: Udaleko HAZen (Herritarren Arreta Zerbitzuan).
Udalak zein elkarte antolatzaileek legazpiar familia guztiak gonbidatzen dituzte proposamen berezi honetan parte hartzera, elkarbizitza sustatu, herria egiten jarraitu eta kultura-trukearen bidez elkarrekin gozatzeko aukera izateko.
