Kiroldegian hamaika ekintza eskainiko dituzte udan, haur, gazte zein helduentzat

Ikasturteko ordutegi estua alde batera uztean, jende askok erabakitzen du udan kirola egitea. Hala dela jakinda, Bikuña Kiroldegian ekintza ugariren eskaintza prestatu dute sasoi horri begira, "UDA 2015" lelopean.

 

Tenisa, igeriketa, zaldiketa, zumbaerobik, padela, eskalada, futbol kanpusa, yoga, mountain bike rider, natur udalekuak eta patinajea dira eskaintzaren osagaietako batzuk. 

 

Jarduera batzuk bi txandatan eskainiko dira eta beste batzuetan adinaren arabera bereiziko dituzte taldeak. Eskaintza gehienak haur zein gazteentzat dira. Helduek Mountain bike rider edo patinajea praktikatzeko aukera izango dute.

 

Eskaintza guztiak ekain amaieratik uztail amaierara bitartean daude banatuta, eta edozeinetan parte hartzeko izena eman beharko da, ekainaren 1etik 25era bitarte, Bikuña Kiroldegira joanda, 943 73 12 43 telefono zenbakira deituta edo This email address is being protected from spambots. You need JavaScript enabled to view it. helbidera idatzita. Han jaso ahal izango da, halaber, eskaintzei buruzko informazio gehiago.

 

Abonatuek prezio bereziak izango dituzte ikastaro guztietan.