Urbeltz pilotalekuaren berrirekiera martxoaren 22an izango da, emakumezkoen pilotariak protagonista izanik

Legazpik egun berezia biziko du martxoaren 22an, igandea, Urbeltz pilotalekuaren berrirekieraren harira. Jardunaldiak emakumezkoen pilotari eskainitako egitarau zabala izango du ardatz.

Ekitaldia 15:45ean hasiko da, bertako pilotariek protagonismoa izango duten partidekin. Herriko pilotari gazteek eta inguruko jokalariek osatutako bikoteak arituko dira kantxan. Iragarritako neurketak hauek dira:    

A. Irastorza – M. Elustondo vs A. Elustondo – L. Zubeldia   
A. Etxeberria – A. Aranburu vs N. Salaberria – I. Saralegi

Ondoren, 17:00etatik aurrera, jardunaldiko ekitaldi nagusia jokatuko da: emakumezkoen txapelketa profesionaleko finalaurrekoa. Bertan, Barrokal – Perez eta Oskoz – Arrastia bikoteak izango dira aurrez aurre, maila handiko partida espero delarik.

Hitzordu honek, pilotalekua berriro martxan jartzeaz gain, emakumezkoen pilotari ikusgarritasuna eta protagonismoa ematea du helburu, oinarrizko maila eta elitea uztartuz ekitaldi berean.

Sarrera doakoa izango da.