ERAKUSKETA ekainaren 19tik 22ra eta KONTZERTUA ekainaren 21ean, SAN MIGEL ERMITAN, Burdinola Elkartearen ekimenez
2025/06/10

Burdinola elkartearen eskutik datozkigu urtero bezala San Migel Ermitako ekitaldiak.
Hala, ekainaren 19an, osteguna, Encarna Urmenetaren pintura lanen erakusketa irekiko da, 18:00etan, Encarnaren irakasle Dani Uribeetxebarriaren azalpenekin.
Erakusketa Ekainaren 19 eta 20an, 18:00etatik 20:00etara egongo da ikusgai eta ekainaren 21 eta 22an, 11:00etatik 14:00etara.
Ekainaren 21ean, larunbata, 12:00etan izango da urteroko kontzertuz eta ohi denez Doinua Musika eskolako ikasleak izango ditugu protagonista, aurtengoan ikasle helduak: Gitarra-akordeoi folk taldea, Ai ze taldea!, kitarra taldea eta kantua.
