Erregularizaziorako kalteberatasun-txostenak eskatzeko epea ireki da
Legazpiko Udalak kalteberatasun-txostenak egiteko arreta-jardunaldiak antolatu ditu, herritarrei erregularizazio-tramiteetan laguntzeko asmoz.
Arreta pertsonalizatua bermatzeko eta itxaronaldirik ez izateko, Gizarte Langilearekin hitzorduak maiatzaren 5, 6, 7 eta 8rako antolatu dira. Dokumentu hau behar duten pertsona guztiek, ezinbestekoa izango dute aldez aurretik hitzordua eskatzea, 943 73 70 30 zenbakira deituz edo zuzenean udaletxera bertaratuz.
Kalteberatasun-txostena
Gizarte-kalteberatasunari buruzko txostena honako pertsona hauei bakarrik zuzenduta dago:
- Aurretik lan-kontraturik izan ez dutenei.
- Beren kargura seme-alaba adingaberik, desgaitasuna duten seme-alaba heldurik edo gurasorik ez dutenei.
Pertsona bat kalteberatasun-egoeran badago eta aurreko bi puntu horiek betetzen ez baditu, gizarte-zerbitzuen txostena izango da prozesu legalarekin jarraitzeko bere egoera egiaztatuko duen dokumentua.
Erregularizazioa tramitatzea
Prozesu hau egoitza-irizpide hauek betetzen dituzten atzerritarrentzat pentsatuta dago:
- Estaturik 2026ko urtarrilaren 1a baino lehen iritsi izana.
- Tramitea egiteko unean gutxienez bost hilabeteko egonaldia izatea.
- Zigor-aurrekaririk ez izatea.
