Administrazio Orokorreko Teknikari baten bila gabiltza
Legazpiko Udalak Administrazio Orokorreko Teknikari bat (AOT) hautatzeko prozesua abiatu du, aldi baterako programa baten bidez. Lan-eskaintza atzo, ekainak 8, argitaratu zen Lanbiden, eta deialdi honen helburu nagusia udal-administrazioaren sail ezberdinei babesa ematea da.
Lanpostua lortzen duen pertsonak, batez ere, hautaketa-prozesuen kudeaketan laguntza emateko eta ondare-erantzukizuneko espedienteen izapidetzea egiteko ardura izango du.
Deialdian parte hartu nahi duten hautagaiek nahitaez Zuzenbideko lizentziatura edo gradua izan behar dute, eta Euskara 3. Hizkuntza Eskakizuna (PL3) edo horren baliokidea den egiaztagiria edukitzea eskatzen da. Gainera, hautaketa-prozesuan positiboki kontuan hartuko da deskribatutako eginkizunetan aldez aurretik esperientzia izatea.
Lan-baldintzei dagokienez, kontratua aldi baterako programa baten bidezkoa izango da, urtebete eta hiru urte bitarteko iraupenarekin, eta lan-ordutegia goizez izango da, 07:30etik 14:46ra.
Eskaintzan interesa duten pertsonek Lanbideren webgunearen bidez eman dezakete izena dagoeneko, ekainaren 16-ra arte. Xehetasun guztiak ikusteko eta izen-ematea indexatzeko, egin klik
