Agorreko Santikutzak. Sukaldari lehiaketan parte hartzeko izen ematea zabalik eta platera erabakitzeko bilera irailaren 2an
2025/08/14

Agorreko Santikutz jaiak irailaren 12,13 eta 14an izango dira aurtengoan, eta ohi bezala larunbatean, irailaren 13an, 11:00etatik aurrera egingo da Sukaldari lehiaketaren 41. edizioa.
Lehiaketan herriko elkarte, talde edo lagun bikote/hirukoteek parte har dezakete, eta izen ematea abuztuaren 30a baino lehen egin beharko da Udaletxeko Harrera Zerbitzuan.
Izen-emandakoen artean erabakiko da zein plater prestatuko dugun aurtengoan, irailaren 2an, asteartea, 18:00etan Kultur Etxean egingo den bileran.